快門又吸光?咁同光圈吸光有乜分別?

2023 年 6 月 7 日 | 攝影知識

講起相機曝光,唔知你地會唔會好似我當時影相咁有個疑問:其實光圈都已經能夠直接控制入光量,做乜又需要用到快門呢?

對於呢條問題,我地可以從相機結構理解。

如上圖最上那幅圖所示:光線穿過鏡頭,直接到達感光原件。由於呢個過程發生係一個封閉空間內(相機入面),我地根本見唔到張相,為左方便觀察,知道自己影緊D乜,於是乎D人對傳統相機既結構進行改動。

如上圖中間幅圖顯示,透過係相機內部加塊反光鏡同五稜鏡,我地就可以從取鏡窗到睇到自己影緊D咩,但由於我地多左組折射光線既觀察結構,變相光線去唔到感光元件到,於是乎又對其進行改動。

只要將反光鏡加入可以彈起既結構,我地就可以滿足到觀察張相之餘,光線又可抵達感光元件上。

講到呢個位置大家可以想像一下,假如反光鏡一直處於抬升既狀態,光線就會不停進入,所以為左有效咁控制光線進入既時間,相機內部亦多左一個可以拉上拉落既捲簾結構,如上圖最下幅圖所示,啫係我地所認識既快門裝置。

當然,而家d最新相機結構未必完全同上述一樣,但原理大致相同。

從傳統相機結構方面,快門同光圈功能一樣,都係吸光,分別只係前者處理吸光時間,而後者處理吸光範圍,呢兩方面成為控制鏡頭入光量既兩大因素。