上文就係咁依提過下有D攝影師D相睇落去好朦朧，又對唔到焦咁，咁有趣既 ! 未繼續下文之前，先睇一睇下面張相。

呢張名為《野狗》既相，係森山大道最具代表性既作品之一，亦經常被稱為佢本人非官方既自拍照。本文希望透過呢種隱喻，帶大家進一步認識街頭攝影既另一面貌。

森山大道係日本戰後最具影響力的攝影大師之一，以粗糙、朦朧、失焦、對比強烈既相片風格見稱。

若然有朋友仔係面對街頭個陣，都仲係「攝影陽痿」咁：無意慾攞起相機，就算攞，都唔知影咩，好有可能對你地黎講影相只係一種手法，黎表達心入面既感受，而對呢類朋友仔黎講：佢地面對既問題不外乎：

1） 自己本身都冇idea：呢種感覺就好似叫你作文，但就唔比題目，變相唔知自己要作咩。

2） 自己其實係有idea：只係唔識點透過攝影表達，或者未見到有岩既畫面元素令你投入。

係呢個時候，可以通過模仿你欣賞既大師去學習攝影。我有必要重申：雖然好多偉大既攝影師都係從模仿開始，但模仿不等同複製，即便是森山大道呢種高反差既攝影風格，其實一早就已經存在，重要既係他進行左更深層次既探索，將自己既思想、感受慢慢融入街頭攝影。

佢既相有著極高既辨識度，亦有別於主流，而佢既冒起亦實證左一樣野：街頭攝影既多元性同包容性。最後就用佢係攞哈蘇國際攝影獎（「攝影界諾貝爾獎」）時，其中一位評委既聲明中作結啦：「森山的圖像採用了一種非常主觀但真實的方法，他的作品反映了都市生活的嚴酷視野，反映了城市日常生活的混亂和不尋常的個性，在虛幻與真實之間擁有獨特的空間…他大膽、不妥協的風格拓寬了日本攝影在世界攝影的國際影響力，激發了日本乃至世界年輕攝影師的創作靈感。」

Alex@Kerwin