經一事，長一智，Google 經上次Bard 出事後，明白有d野欲速不達；其實，個人認為，當下人工智能所引發的只係一種玩票式熱潮，我相信還要兩三年才像樣成熟，Google 絕對有時間追上。不過，我幾欣賞Google主事人呢份神經過敏，起碼見到佢地既動力，正如1997年時代雜誌風雲人物Andrew S. Grove （當時既Intel 主席）所講「only the paranoid can survive」，要喺市場生存，由不得你想無「妄想被害症」。

我同意Google首席執行長皮查伊喺最近全員郵件中所說既話：「在歷史上，Google總不是率先推出某一類產品，但這落後並不影響Google後來所贏得某個市場份額。」事實上，這種後發先至的案例相當多，Google 1996 年推出網頁搜尋引擎之前，市面上已經有多個搜尋引擎，但隨住Google後來居上，呢d競爭對手便一個個消失；而喺智慧型手機領域，市場已有黑莓和 Palm的作業系統下，Google先研發出Android作業系統，但時至今日，Android已經佔智慧型手機作業系統約既七成市場份額。

不過，競爭係好既，今回亦催化Google 加強自家搜尋既原有功能，以下兩個即將發佈既新搜尋功能，我就覺得幾正：

1）假設你朋友喺WhatsApp 中傳來佢地喺東京某角落旅遊的影片，如果想知道影片背景喺邊處，你可以長按Android 手機的電源或主畫面按鈕，啟動Google 助理，然後輕觸「搜尋畫面」，智慧鏡頭就會辨識出相關地點。

2）另一種情況，譬如你喺搜尋日本家具的時候，看中張工作桌，好啱你心水，但某方面你卻另有主意，譬如你不想方角，怕小孩碰撞受傷，你就可以透過多重搜尋功能輸入「圓角」，就可以搵到你想要的款式，非常方便。

個人認為，今次對Google 的激發，大大提升了Android 機的細緻效能，反而某程度對iPhone 又構成威脅。

但iPhone老定開，食Steve Jobs 老本食左十幾年，唔見佢有乜舉措；但我睇，呢波人工智能革命，大有可能將iPhone 從神壇地位扯落泥！