自己過往用Galaxy 旗艦機既經驗係：通常隔咗幾代，就會有一代機做得好好，好細緻，改良曬過往幾代既缺點；譬如今年年頭出嗰部S23 Ultra ，個人就覺得係嗰幾年設計所總結出嚟既優秀作品。

今年部Galaxy Z Flip ，係第五代，相對上四代，我都有呢種感覺，設計嚟得紥實同大方。

Galaxy Z Flip 5 既設計語言，基本上跟上四代極相近，仍保留左歷代傳統的優秀面：機身纖細而性能多樣化，但因為今次採用左全新的鉸鏈設計：水滴式絞鍊結構，令呢一代機摺疊起嚟既縫隙收窄好多，機身不再容易喺摺起後「入塵」且黏喺熒幕上，而摺疊時可以更薄，睇起嚟更加俐落時尚化，拎喺手上既手感更佳更實在。

Galaxy Z Flip 5 在外型上有不少改進，最大的特色就係正面螢幕尺寸大幅提高，從原本的 1.9 吋長型螢幕改為 3.4 吋接近方型的螢幕，有d類似Windows 系統桌面資料夾的形狀，可以顯示的內容變得更多，字體亦可放大，瀏覽就更方便。雖然螢幕正面邊框仍有一定寬度，但外觀上確實大方體面左好多。

機身結構和轉軸則採用 Armor 鋁合金材質和鏡面玻璃，轉軸處的 SAMSUNG logo 亦從前一代既內凹設計改成蝕刻出 Samsung 字樣，轉軸內部也加入背側阻尼設計，將手機展開時有比較紮實既手感，懸停時亦都更穩固，使用手機時摺痕亦更加不明顯。

螢幕內頁的超薄可折式玻璃比前一代耐用性提高 25%，大大減少爆Mon 的機率。

當然，對Apple 用家而言，任你Samsung 摺機設計幾靚，都唔會引起佢地既入手衝動，但至少可留住當下Samsung 用家既心。