我一直也認為今年九月出既新iPhone 會極速炒燶，速度極有可能像2018年那樣，首賣當日下午即燶。

當然，我這樣說，很多人會強烈否定，如同幾年前我發文說香港樓市要步入大衰退，大把人對我睇法嗤之以鼻；但由他們的口吻「樓價有得跌架咩！」到「我自住怕咩！」再到開始問我「你覺得樓市要跌幾耐幾深？」開始默認我的看法。

我是用牛眼看世界，要比人眼看轉勢來得準確吧！

有些人話iPhone 今回炒得起，因為改做C插頭， 我真係百思不得其解，咁係熱炒原因？iPhone 熱炒從來都係「外表」問題，而唔係其「內涵」，用C插頭係實用好多，充電快d，數據傳輸快d，係方便，但因為咁你肯比多1500-2000港元？唔係啩！咁都有得炒，完全超越我理解範圍。

至於拍攝效能的提升，屬於「專業內涵」，更與炒賣無關。

唯一可炒既係邊框再進一步縮窄，呢個係「外表」因素啦，但係咪真呢？我半信半疑，又傳到因為咁有技術問題，發售早期供應會少d！我完全聽唔明，技術有問題又可以先出一d遲d再出多d？同埋，以Apple 攪生產多年，會咁博？技術無十拿九穩都唔量產啦！

當然，最重要係中國因素！中國經濟結構已變，內地既購買力真不復從前，唔肯喪比炒價啦。

iPhone 生得逢時，始於全球量寛，帶動了一個悠長既iPhone 炒賣週期；但週期就是週期，總有告別的一天。