街頭攝影（街拍），俗稱「掃街」，係一種非常即興既拍攝手法，廣義黎講，只要係人類活動既公共場所，無論室內定係室外，都可被冠以“街頭”呢個概念。

「街頭攝影」係一種未經事先安排既相片：照明、光線、內容、機會等都取決於機率或一定程度上既運氣，係呢個咁動態既空間到，截取某一決定性既瞬間，並妥善地將畫面元素同構圖組合起黎，對所有攝影師黎講，絕對有一定既難度，尤其係剛開始接觸街頭攝影既朋友。

雖然係「街拍」既世界到並冇一套準則能夠篤定應該要點構圖、影D咩野同點樣取景，但我地亦可從一D出色既街頭攝影作品中，係形式上發現到D脈絡去幫自己發掘令自己好奇既街頭「視點」，慢慢建立個人既風格。

在繼續寫落去之前，先向各位明確指出兩點，避免誤導：

1）任何攝影作品同相關既評論都係好主觀，沒有“絕對”既好壞同對錯。

2）街頭攝影歷史悠久，跟住落嚟既不過純屬個人分享，並不代表街頭攝影既某種形式，參考就好。

好！先嚟第一個技巧，我地要嘗試唔同既角度：

唔知道上面張相有冇成功地引發到你地既思考呢？

當我影呢張相既時候，嘗試將樹木比喻為「人」，周邊既大廈比喻成「環境」：

有時候，人既發展空間其實受制於好多外在因素。

我地現時身處緊既環境，會唔會覺得好有限制？

感覺好似被困死左係入面咁？定還是樹木不斷地掙扎求存？

唔知道你地睇到既，又會係D咩呢。

Alex@Kerwin