上一篇我地談及大家係「掃街」個陣，可以嘗試唔同既角度，今次我地就講下另一個：尋找令自
己有感覺既「畫面元素」。

相信對每一位愛好街頭攝影既朋友仔黎講，「掃街」某程度上其實都係一件好磨人心性既事。我
地明明已經係大街小巷到不停咁遊蕩，但好多時往往有種完全唔知道要影D咩，亦唔明白到底有D咩
野值得去發掘既感覺，好似生意失敗，呆呆濟濟成碌木咁款企左係條街到，攝影之神好似恍惚離你而
去咁。

呢個時候，我地不仿試下尋找常出現係街拍作品既「畫面元素」。今次，先同大家帶來第一個好
常見到既元素——光影。

即使冇接觸攝影既你都會聽過呢句說話：「攝影是一門光影藝術」，呢句野同樣識用於街頭攝影。

街頭攝影不在於你睇見D咩野，而係你用咩方式同角度去睇。唔同攝影師面對同一光影瞬間下都會
有各自既理解或者想法，只要運用得妥當，無論係黑白定彩色，都一樣可以創作到令人印象深刻既作
品。

Alex@Kerwin