上一篇我地講左光影，今次我地同大家講下另一種同樣都好常出現係街拍作品既畫面元素 — 「顏色」。

2.   顏色

攝影既係一門光影藝術，亦係一門對顏色運用既藝術。顏色作為視覺語言表現形式之一：係配色方面運用得巧妙妥當，除左有助呈現出一個鮮明既主題之外，亦可以令到作品更有吸引力同表現力，影響既唔止係關乎張相「好唔好睇」，更能牽動到觀眾既情緒、感覺，感受到攝影師想傳遞既訊息，又或者可以有個思考空間比觀眾自行代入，從而創造出一張令人既賞心悅目，又印象深刻既相片。

假若，你平時都有留意開「顏色」或者關於「色彩配搭」方面既話，你會發現街頭其實係一個天然既「調色盤」，所有調色方法，例如：互補色、近似色、三等分、補色分割等，都可以係街頭拍攝到用得返：

由黑白到彩色既進程入面，我地亦逐漸瞭解到顏色係其中一個重要媒介，去協助我地表達內在感受、情緒，每一種顏色既背後都有其藝術意圖，亦為街頭攝影提供左另一個前進既方向。

Alex@Kerwin